నల్లూరు గ్రామంలో ఘనంగా ఉచిత వైద్య శిబిరం: 400 మందికి పైగా లబ్ధి...

నల్లూరు గ్రామంలో ఘనంగా ఉచిత వైద్య శిబిరం: 400 మందికి పైగా లబ్ధి...

ఎస్ ఆర్ ఎస్ న్యూస్: ముప్కాకల్...

నిజామాబాద్ జిల్లా ముప్కాల్ మండలంలోని నల్లూరు గ్రామంలో గ్రామ సర్పంచ్ బార్కం గంగాధర్ ఆధ్వర్యంలో నిర్వహించిన ఉచిత వైద్య శిబిరాలు విజయవంతమయ్యాయి. తన తల్లిదండ్రుల ఆశీస్సులతో, గ్రామ ప్రజల ఆరోగ్యాన్ని కాంక్షిస్తూ సర్పంచ్ తన స్వంత ఖర్చులతో ఈ శిబిరాలను ఏర్పాటు చేశారు. కంటి వైద్య పరీక్షలు: నేడు గ్రామ పంచాయతీ కార్యాలయంలో ప్రత్యేకంగా కంటి వైద్య శిబిరాన్ని నిర్వహించారు. వృద్ధులు, మహిళలు పెద్ద సంఖ్యలో పాల్గొని పరీక్షలు చేయించుకున్నారు.గత 7 రోజులుగా గ్రామంలో నిరంతరాయంగా ఫిజియోథెరపీ సేవలు అందించారు. కీళ్ల నొప్పులు, ఇతర శారీరక సమస్యలతో బాధపడుతున్న వారికి ఈ చికిత్స ఎంతో ఊరటనిచ్చింది.సుమారు 400 మంది గ్రామస్థులు ఈ శిబిరాల ద్వారా వైద్య సేవలు పొందినట్లు సర్పంచ్ తెలిపారు. ఈ సందర్భంగా సర్పంచ్ బార్కం గంగాధర్ మాట్లాడుతూ.. ప్రజలు రోగాల బారిన పడకుండా ముందస్తు జాగ్రత్తగా ఈ పరీక్షలు ఏర్పాటు చేశామని, భవిష్యత్తులో కూడా మరిన్ని సేవా కార్యక్రమాలు చేపడతామని తెలిపారు. కార్యక్రమానికి సహకరించిన పాలకవర్గానికి మరియు గ్రామ ప్రజలకు ఆయన పేరుపేరునా కృతజ్ఞతలు తెలియజేశారు. ఈ కార్యక్రమంలో పంచాయతీ కార్యదర్శి విఘ్నేష్,కారొబార్ సుంకే గంగాధర్, వైద్య బృందం సభ్యులు డాక్టర్ ఎస్.కె. సింగ్, పంకజ్ రాజ్ పురోహిత్, గ్రామ పాలకవర్గ సభ్యులు మరియు గ్రామ ప్రజలు పాల్గొన్నారు.