కామారెడ్డిలో ఈనెల 24, 25 తేదీలలో జరిగే AIPKMS రాష్ట్ర ప్రథమ మహాసభలు విజయవంతం చేయాలి...

ఈనెల 24, 25 తేదీలలో కామారెడ్డి లో జరిగే AIPKMS రాష్ట్ర ప్రథమ మహాసభలు విజయవంతం చేయాలి...

ఎస్ ఆర్ ఎస్ న్యూస్ : బోధన్...

అఖిలభారత ప్రగతిశీల వ్యవసాయ కార్మిక సంఘం (AIPKMS) రాష్ట్ర ప్రథమ మహాసభలను జయప్రదం చేయాలని ఆ సంఘం కమిటీ సభ్యులు జి. సీతారాం పిలుపునిచ్చారు. ఈ నెల 24, 25 తేదీలలో కామారెడ్డి పట్టణంలో జరగనున్న ఈ మహాసభలకు సంబంధించిన వాల్ పోస్టర్లను ఆదివారం నాడు బోధన్ పట్టణంలో ఆవిష్కరించారు.ఈ సందర్భంగా జి. సీతారాం మాట్లాడుతూ, వ్యవసాయ కూలీలు ఎదుర్కొంటున్న సమస్యలపై చర్చించి, భవిష్యత్ పోరాట కర్తవ్యాలను రూపొందించడానికి ఈ మహాసభలు వేదిక కానున్నాయని తెలిపారు. మహాసభల వివరాలు: మార్చి 24: మధ్యాహ్నం 12:00 గంటలకు కామారెడ్డి మున్సిపల్ గ్రౌండ్ నుండి గంజి వరకు భారీ ప్రదర్శన నిర్వహిస్తారు. బహిరంగ సభ:మధ్యాహ్నం 3:00 గంటలకు వీక్లీ మార్కెట్ ఆవరణలో బహిరంగ సభ జరుగుతుంది. ముఖ్య వక్తలు: మాజీ ఎమ్మెల్యే గుమ్మడి నరసయ్య, సి.పి.ఐ (ఎం-ఎల్) మాస్ లైన్ రాష్ట్ర కార్యదర్శి పోటు రంగారావు, నిజామాబాద్-కామారెడ్డి ఉమ్మడి జిల్లా కార్యదర్శి వి. ప్రభాకర్, AIPKMS రాష్ట్ర ప్రధాన కార్యదర్శి పి.రామకృష్ణ తదితర ప్రముఖులు ప్రసంగిస్తారు. రెండవ రోజు కార్యక్రమం: 25వ తేదీన జరిగే ప్రతినిధుల సభలో ఆహ్వాన సంఘం అధ్యక్షులు పి.విజయరామరాజు స్వాగతం పలుకుతారు. ఆర్థిక విశ్లేషకులు మీ పాపారావు ప్రారంభ ఉపన్యాసం చేయగా, రాష్ట్ర ఉపాధ్యక్షులు కె.జి.రామచందర్ "వ్యవసాయ కూలీలు - ఎదుర్కొంటున్న సవాళ్లు" అనే అంశంపై ప్రసంగిస్తారు.ఈ కార్యక్రమంలో జిల్లా నాయకులు సిహెచ్. రమేష్, మండల నాయకులు బి.సాయిలు,లక్ష్మణ్, పోశెట్టి, శంకర్,సలీం, హైమద్, చావుస్ తదితరులు పాల్గొన్నారు. వ్యవసాయ కూలీలు, ప్రతినిధులు ఈ మహాసభలకు అధిక సంఖ్యలో తరలివచ్చి విజయవంతం చేయాలని నాయకులు కోరారు.