ఇంటింటికీ తిరిగి బీఆర్ఎస్ కు ఓటేయాలని విజ్ఞప్తి చేసిన జీవన్ రెడ్డి...

నిజామాబాద్: ఆర్మూర్ లో మాజీ ఎమ్మెల్యే జీవన్ రెడ్డి విస్తృత ప్రచారం.. ఇంటింటికీ తిరిగి బీఆర్ఎస్ కు ఓటేయాలని విజ్ఞప్తి చేసిన జీవన్ రెడ్డి.. అడుగడుగునా జీవన్ రెడ్డికి ఘన స్వాగతం పలుకుతున్న ఆర్మూర్ పట్టణ ప్రజలు ఆర్మూర్ పట్టణంలో బీఆర్ఎస్ నిజామాబాద్ జిల్లా అధ్యక్షుడు,ఆర్మూర్ మాజీ ఎమ్మెల్యే ఆశన్నగారి జీవన్ రెడ్డి విస్తృతంగా ఎన్నికల ప్రచారం నిర్వహించారు.జీవన్ రెడ్డి ఉదయం ఎనిమిది గంటల నుంచి రాత్రి ఎనిమిది గంటల వరకూ పలు వార్డుల్లో ఇంటింటికీ తిరుగుతూ 'కారు' గుర్తుకే ఓటేయాలని విజ్ఞప్తి చేస్తున్నారు. ముచ్చటగా మూడోసారి బీఆర్ఎస్ గెలిస్తేనే ఆర్మూర్ పట్టణం మళ్లీ అభివృద్ధిలో దూసుకుపోతోందని జీవన్ రెడ్డి ప్రజలకు స్పష్టంగా చెబుతున్నారు.పలు వార్డుల్లో ఎన్నికల ప్రచారం నిర్వహించిన జీవన్ రెడ్డికి ప్రజల ఘన స్వాగతం పలికారు.పట్టణ ప్రజలతో మమేకమవుతూ జీవన్ రెడ్డి ప్రచారంలో ముందుకు సాగుతూ ప్రత్యర్థులకు ప్రత్యర్థులకు కొరకరాని కొయ్యగా మారారు.అన్ని వర్గాల ప్రజలు మేళతాళ్లాలతో పెద్ద ఎత్తున చేసిన స్వాగత ప్రదర్శన లలో మహిళలు నృత్యాలతో, యువకులు బైక్ ర్యాలీలతో పాల్గొంటుండటంతో వార్డులన్నీ గులాబీ మాయమై కోలాహలంగా కనిపించాయి.ఈ సందర్భంగా జీవన్ రెడ్డి ప్రజలతో మాట్లాడుతూ అన్ని వార్డుల్లో బీఆర్ఎస్ అభ్యర్థులను గెలిపించి ఆర్మూర్ మునిసిపల్ పీఠాన్ని బీఆర్ఎస్ కైవసం చేసుకోవాలన్నారు. 2వ వార్డ్ లో బీఆర్ఎస్ పార్టీ అభ్యర్థి దరావత్ మోహన్,3వ వార్డ్ లో రాచర్ల గౌరి నరేందర్, 23వ వార్డ్ లో ఆంపల్లి ప్రవీణ్ గౌడ్, 34వ వార్డ్ లో తూర్పు నీలిమా, 32వ వార్డ్ లో ధోండి సుఖేష్ వర్మ ,19వ వార్డ్ లోజన్నెపల్లి రజితరంజిత్ , 16వ వార్డ్ లో తాసిన్ అహ్మద్ తదితర బీఆర్ఎస్ అభ్యర్థు లకు మద్దతుగా జీవన్ రెడ్డి ఇంటింటికి తిరిగి ఎన్నికల ప్రచారం నిర్వహించారు. మొత్తం36 వార్డుల్లో గెలిచి ఆర్మూర్ మునిసిపాలిటీ పై గులాబీ జెండా ఎగురేస్తామని ఆయన స్పష్టం చేశారు. ఇదిలావుండగా జీవన్ రెడ్డి ఎన్నికల ప్రచారం సందర్భంగా వివిధ పార్టీలు, ప్రజా, కులాలకు చెందిన వందలాది మంది పెద్ద ఎత్తున ఆయన సమక్షంలో గులాబీ తీర్థం పుచ్చుకున్నారు. ఇదిలావుండగా గెలుపే లక్ష్యంగా పావులు కదుపుతున్న జీవన్ రెడ్డి మునిసిపల్ పోరులో 'కారు' జోరు రోజురోజుకూ మరింత పెరిగేలా వ్యూహరచన చేస్తున్నారు.పోలింగ్ తేదీ సమీపిస్తున్న నేపధ్యంలో ఆర్మూర్ పట్టణంలో గులాబీ సేన కదం తొక్కుతూ బీఆర్ఎస్ పార్టీ కి ఓట్లు వేయాలని కోరుతున్నాయి.