బీడీ కార్మికులకు పెరిగిన కరువు భత్యాన్ని వెంటనే అమలు చేయాలి: ప్రగతిశీల బీడీ వర్కర్స్ యూనియన్ జిల్లా ఉపాధ్యక్షులు బి. మల్లేష్

నిజామాబాద్: బీడీ కార్మికులకు పెరిగిన కరువు భత్యాన్ని వెంటనే అమలు చేయాలి ఎస్ ఆర్ ఎస్ న్యూస్ నిజామాబాద్ జిల్లా.. నిజామాబాద్ జిల్లా మోస్రా మండలం చింతకుంట గ్రామంలో ఆదివారం నాడు జరిగిన బీడీ కార్మికుల సమావేశంలో తెలంగాణ ప్రగతిశీల బీడీ వర్కర్స్ యూనియన్ (TUCI) జిల్లా ఉపాధ్యక్షులు బి. మల్లేష్ పాల్గొని మాట్లాడారు. ఈ సమావేశం యొక్క ప్రధాన అంశాలు మరియు డిమాండ్లు ఈ క్రింది విధంగా ఉన్నాయి.కరువు భత్యం పెరుగుదల: తెలంగాణ రాష్ట్రవ్యాప్తంగా సుమారు 7 లక్షల మంది బీడీ కార్మికులు ఈ పరిశ్రమపై ఆధారపడి ఉన్నారు. వీరికి సంబంధించి కరువు భత్యం (DA) 55 పాయింట్లు పెరిగింది.వేతనాల వివరాలు: బీడీలు చుట్టే కార్మికులు: పాయింటుకు 10 పైసల చొప్పున,ప్రతి 1,000 బీడీలకు రూ. 5.50 పైసలు అదనంగా కూలి చెల్లించాలి.నెలసరి వేతన ఉద్యోగులు: వీరికి నెలవారీ వేతనంలో రూ. 165 పెరుగుదల ఉంటుంది. బీడీ ప్యాకర్లు: వీరికి రోజుకు రూ. 5.50 పైసల చొప్పున, ప్యాకింగ్ నమూనాలను బట్టి లక్ష బీడీలకు నిర్ణయించిన రేటు ప్రకారం పెంచాలి.ఈ పెరిగిన కరువు భత్యం ఏప్రిల్ 1, 2026 (01-04-2026) నుండి అమల్లోకి రానుంది.బీడీ కార్మికులు,నెలసరి వేతన ఉద్యోగులు మరియు ప్యాకింగ్ కార్మికులందరూ ఐక్యంగా ఉండి, యజమాన్యాల నుండి ఈ పెరిగిన వేతనాన్ని సాధించుకోవాలని బి. మల్లేష్ పిలుపునిచ్చారు. హక్కుల సాధన కోసం అందరూ సంఘటితంగా పోరాడాలని ఆయన కోరారు.ఈ కార్యక్రమంలో యూనియన్ గ్రామ కమిటీ నాయకులు డి.పద్మ, రైమున్నీసా, ఎస్. సుజాత, ఎన్.సుశీల, డి. గౌరీ, బి.సావిత్రి, సుజాత, సి.లక్ష్మి, బి. పద్మ, జి. గంగామణి, ఎస్. కళావతి మరియు ఇతర కార్మికులు పాల్గొన్నారు.