ఘనంగా మోదీ 12 ఏళ్ల పాలన ఉత్సవాలు – హాజరైన ముఖ్య నేతలు...

దేశానికి అత్యధిక కాలం ప్రధానిగా పనిచేసిన రికార్డు మోదీ గారిదే: కామారెడ్డి ఎమ్మెల్యే కాటిపల్లి వెంకటరమణ రెడ్డి...

భారత్‌ను విశ్వగురువుగా నిలబెట్టడమే ఆయన సంకల్పం..

తెలంగాణలోనూ బీజేపీ అధికారంలోకి రావడం ఖాయం...

ఘనంగా మోదీ 12 ఏళ్ల పాలన ఉత్సవాలు – హాజరైన ముఖ్య నేతలు..

ఎస్ ఆర్ ఎస్ న్యూస్ : కామారెడ్డి,

భారత ప్రధానమంత్రి శ్రీ నరేంద్ర మోదీ గారు ప్రధానిగా 12 సంవత్సరాల విజయవంతమైన పాలనను పూర్తి చేసుకున్న సందర్భంగా శుక్రవారం కామారెడ్డి జిల్లా బీజేపీ కార్యాలయంలో ప్రత్యేక విలేకరుల సమావేశం నిర్వహించారు. ఈ సమావేశంలో కామారెడ్డి శాసనసభ్యులు శ్రీ కాటిపల్లి వెంకటరమణ రెడ్డి ముఖ్య అతిథిగా పాల్గొని మాట్లాడారు.

దేశ ప్రగతికి మోదీ నాయకత్వమే దిక్సూచి

ఈ సందర్భంగా ఎమ్మెల్యే కాటిపల్లి వెంకటరమణ రెడ్డి మాట్లాడుతూ, దేశానికి అత్యధిక కాలం ప్రధానిగా పనిచేసిన ఘనమైన రికార్డు నరేంద్ర మోదీ గారిదేనని కొనియాడారు. ప్రస్తుత దేశ రాజకీయాల్లో అత్యధిక ప్రజాదరణ ఉన్న ఏకైక నాయకుడు మోదీ గారేనని స్పష్టం చేశారు.

"భారతదేశాన్ని ప్రపంచ దేశాల ముందు ‘విశ్వగురువు’గా నిలబెట్టడమే ప్రధాని మోదీ గారి ప్రధాన సంకల్పం. అందుకోసం ఆయన అహర్నిశలు శ్రమిస్తున్నారు. ఆయన సమర్థవంతమైన నాయకత్వంలోనే నేడు దేశంలోని అత్యధిక రాష్ట్రాల్లో బీజేపీ అధికారంలో ఉంది. అదే విజయ పరంపరతో రాబోయే రోజుల్లో తెలంగాణలోనూ బీజేపీ అధికారంలోకి రావడం ఖాయం." కాటిపల్లి వెంకటరమణ రెడ్డి, ఎమ్మెల్యే... ఈ విలేకరుల సమావేశంలో పార్టీ ముఖ్య నేతలు, ప్రజాప్రతినిధులు పెద్ద సంఖ్యలో పాల్గొన్నారు. పాల్గొన్న వారిలో ఇంద్రసేన రెడ్డి(బీజేపీ రాష్ట్ర అధికార ప్రతినిధి) నీలం చిన్న రాజులు(బీజేపీ జిల్లా అధ్యక్షుడు) నరేందర్ రెడ్డి, రవీందర్ రావు (జిల్లా ప్రధాన కార్యదర్శులు)లక్ష్మారెడ్డి, భాను, వంశీ, అరవింద్అరవింద్ (మున్సిపల్ కౌన్సిలర్లు) రవీందర్,సంతోష్ రెడ్డి, వేణు,లింగారావు(ముఖ్య నాయకులు)మరియు పార్టీ శ్రేణులు, కార్యకర్తలు ఈ కార్యక్రమంలో పాల్గొని ప్రధాని మోదీ పాలనా విజయాలను ప్రజల్లోకి తీసుకెళ్లాలని పిలుపునిచ్చారు.