నగల దుకాణ యజమానులతో ప్రత్యేక సమావేశం:డీఎస్పీ ఎస్. మధుసూదన్...

నగల దుకాణాల భద్రతపై పోలీసుల ప్రత్యేక నిఘా...

వ్యాపారులు అప్రమత్తంగా ఉండాలి: డీఎస్పీ ఎస్. మధుసూదన్...

నగల దుకాణ యజమానులతో ప్రత్యేక సమావేశం..

ఎస్ ఆర్ ఎస్ న్యూస్: కామారెడ్డి జిల్లా బ్యూరో...

కామారెడ్డి పట్టణంలోని నగల దుకాణాల భద్రతను మరింత కట్టుదిట్టం చేసే దిశగా జిల్లా పోలీస్ యంత్రాంగం ప్రత్యేక చర్యలు చేపట్టింది. ఆస్తి నేరాల నివారణే లక్ష్యంగా కామారెడ్డి టౌన్ పోలీస్ స్టేషన్‌లో పట్టణ నగల దుకాణ యజమానులతో డీఎస్పీ ఎస్. మధుసూదన్ ప్రత్యేక సమావేశం నిర్వహించారు. ఈ సందర్భంగా డీఎస్పీ వ్యాపారులకు ఈ క్రింది భద్రతా సూచనలు చేశారు. నిరంతర నిఘా:దుకాణం లోపల మరియు వెలుపల ఏర్పాటు చేసిన సీసీ కెమెరాలు 24 గంటల పాటు నిరంతరం పనిచేసేలా చూసుకోవాలి. ఫుటేజీ రికార్డింగ్ స్పష్టంగా ఉండేలా జాగ్రత్త పడాలి. సెక్యూరిటీ గార్డులు: ప్రతి దుకాణం వద్ద అనుభవజ్ఞులైన సెక్యూరిటీ గార్డులను నియమించుకోవాలి.అప్రమత్తత:పగలు మరియు రాత్రి వేళల్లో అపరిచిత వ్యక్తుల కదలికలపై నిఘా ఉంచాలి. ఏదైనా అనుమానం వస్తే వెంటనే పోలీసులకు సమాచారం అందించాలి.ఆధునిక వ్యవస్థలు: పాత పద్ధతులతో పాటు ఆధునిక అలారమ్ సిస్టమ్స్ వంటి భద్రతా పరికరాలను ఏర్పాటు చేసుకోవడం ద్వారా నేరాలను సమర్థవంతంగా అరికట్టవచ్చు.ఆస్తి నేరాల నివారణలో వ్యాపారుల సహకారం ఎంతో కీలకమని, పోలీసులకు సహకరిస్తూ శాంతిభద్రతల పరిరక్షణలో భాగస్వాములు కావాలని డీఎస్పీ కోరారు. ఈ సమావేశంలో పట్టణంలోని పలువురు నగల దుకాణాల యజమానులు పాల్గొన్నారు.