బాన్సువాడ పట్టణంలో జనజీవనం సాధారణ స్థితికి చేరుకుంది: జిల్లా ఎస్పీ రాజేష్ చంద్ర ఐపీఎస్..

కామారెడ్డి: చట్టాన్ని చేతిలోకి తీసుకునే వారిపై ఎట్టి పరిస్థితుల్లోనూ ఉపేక్ష ఉండదు: జిల్లా ఎస్పీ.. 19 మంది నిందితుల అరెస్ట్, భారీ పోలీస్ ఫ్లాగ్ మార్చ్... కామారెడ్డి: బాన్సువాడ పట్టణంలో ఇటీవల చోటుచేసుకున్న సంఘటనల నేపథ్యంలో జిల్లా పోలీస్ యంత్రాంగం తక్షణమే స్పందించి శాంతిభద్రతలను పునరుద్ధరించింది. జిల్లా ఎస్పీ ఎం.రాజేష్ చంద్ర ఐపిఎస్ పర్యవేక్షణలో కేవలం మూడు గంటల్లోనే పరిస్థితిని పోలీసులు అదుపులోకి తెచ్చారు. ప్రస్తుతం పట్టణంలో జనజీవనం సాధారణ స్థితికి చేరుకుంది. *అరెస్టులు: సీసీటీవీ ఫుటేజ్ మరియు సోషల్ మీడియా ఆధారంగా 42 మందిని గుర్తించగా, ఇప్పటివరకు 19 మందిని అరెస్టు చేయడం జరిగింది. మిగిలిన వారందరినీ త్వరలోనే చట్టం ముందు హాజరుపరుస్తాము. *కఠిన నిఘా: ఈ ఘర్షణల్లో పాల్గొన్న వారందరిపై కమ్యూనల్ సస్పెక్ట్ షీట్లు ఓపెన్ చేసి, భవిష్యత్తులో వారిపై కఠిన నిఘా కొనసాగిస్తాము. *భారీ ఫ్లాగ్ మార్చ్: ప్రజల్లో భద్రతాభావాన్ని నింపడానికి ఎస్పీ ఆధ్వర్యంలో 120 మంది పోలీస్ అధికారులు మరియు సిబ్బందితో పట్టణంలోని ప్రధాన వీధుల్లో 6 కిలోమీటర్ల మేర భారీ ఫ్లాగ్ మార్చ్ నిర్వహించబడింది. ఎస్పీ హెచ్చరిక:"చట్టాన్ని చేతిలోకి తీసుకునే వారిపై ఎట్టి పరిస్థితుల్లోనూ ఉపేక్ష ఉండదు. సోషల్ మీడియా ద్వారా వదంతులు వ్యాప్తి చేసే వారిపై, అసత్య ప్రచారాలు చేసే వారిపై చట్టపరమైన చర్యలు ప్రారంభించాము."

• వాట్సాప్ అడ్మిన్లకు సూచన: గ్రూపులలో రెచ్చగొట్టే సమాచారం ఉంటే వెంటనే తొలగించాలి. తప్పుడు సమాచారాన్ని పంపేవారిని కూడా నేరస్తులుగానే పరిగణిస్తాము.