కామారెడ్డి జిల్లాలో జాతీయ మానవ హక్కుల కమిషన్ ప్రత్యేక ప్రతినిధి పర్యటన: ఘన స్వాగతం పలికిన అధికారులు

కామారెడ్డి జిల్లాలో జాతీయ మానవ హక్కుల కమిషన్ ప్రత్యేక ప్రతినిధి పర్యటన

ఎస్ ఆర్ ఎస్ న్యూస్:కామారెడ్డి

జాతీయ మానవ హక్కుల కమిషన్ (NHRC) న్యూఢిల్లీ ప్రత్యేక ప్రతినిధి దేవేంద్ర కుమార్ నిమ్ కామారెడ్డి జిల్లాకు విచ్చేసిన ఆయనకు స్థానిక అధికారులు ఘన స్వాగతం పలికారు. స్థానిక సంస్థల అదనపు కలెక్టర్ ఎన్.వై. గిరి, ఎల్లారెడ్డి రెవెన్యూ డివిజనల్ అధికారి (ఆర్డీఓ) ప్రభాకర్ తదితరులు ఆయనను మర్యాదపూర్వకంగా కలుసుకున్నారు. ఈ సందర్భంగా ప్రత్యేక ప్రతినిధికి పూల మొక్కను అందజేసి సాదర స్వాగతం పలికారు. స్వాగత కార్యక్రమం అనంతరం దేవేంద్ర కుమార్ నిమ్.. ఎల్లారెడ్డి ఆర్డీఓ ప్రభాకర్‌తో కలిసి షెడ్యూల్ ప్రకారం తదుపరి అధికారిక కార్యక్రమాల్లో పాల్గొనేందుకు గాంధారి మండలానికి బయలుదేరి వెళ్లారు.