జిల్లా అథ్లెటిక్స్ పోటీల్లో మర్కల్ గురుకుల విద్యార్థినుల జోరు: 11 స్వర్ణాలు, 10 రజతాలు, 4 కాంస్యాలు

మర్కల్ మహిళా డిగ్రీ కళాశాల విద్యార్థినుల అద్భుత ప్రతిభ.. జిల్లా స్థాయి అథ్లెటిక్స్ పోటీల్లో 11 స్వర్ణాలు, 10రజతాలు, 4 కాంస్య పతకాలు

ఎస్ ఆర్ ఎస్ న్యూస్:కామారెడ్డి

కామారెడ్డి జిల్లా మర్కల్ గ్రామంలోని తెలంగాణ సాంఘిక సంక్షేమ గురుకుల మహిళా డిగ్రీ కళాశాల విద్యార్థినులు జిల్లా స్థాయి అథ్లెటిక్స్ పోటీల్లో అఖండ విజయం సాధించారు. స్థానికంగా జరిగిన జిల్లా స్థాయి అథ్లెటిక్స్ పోటీల్లో పాల్గొన్న విద్యార్థినులు హోరాహోరీగా తలపడి మొత్తం 11 స్వర్ణ, 10 రజత, 4 కాంస్య పతకాలను కైవసం చేసుకుని కళాశాల కీర్తిని నూతన శిఖరాలకు చేర్చారు. పతకాల పంట పండించిన విద్యార్థినులు:

• స్వర్ణ పతక విజేతలు: సి.హెచ్. వైష్ణవి (డిస్కస్ త్రో), ఎస్. దివ్య (800 మీ. పరుగు), ఎం. మహేశ్వరి (జావెలిన్ త్రో), ఎం. వెన్నెల (400 మీ. పరుగు), బి. నవ్య శ్రీ (జావెలిన్ త్రో), బి. ప్రహర్ష (400 మీ. పరుగు), జె. కీర్తన (డిస్కస్ త్రో), కె. దివ్య (100 మీ. పరుగు), జి. అర్చన (800 మీ. పరుగు), పి. ఛాయా (100 మీ. పరుగు), ఓ. శిరీష (షాట్ పుట్) తదితరులు గోల్డ్ మెడల్స్ సాధించారు.
• రజత పతక విజేతలు: ఎం. సవిత, ఆర్. ప్రీతి, ఇ. రాజశ్రీ, పి.రుతిక, బి. అర్చన, ఆర్. రాసాజ్ఞ, సి.హెచ్. శిరీష, మనుష బాయి, ఎం. అమృత, కె. స్వప్న లు సిల్వర్ మెడల్స్ కైవసం చేసుకున్నారు.
• కాంస్య పతక విజేతలు: టి. భవాని, ఎన్. స్పందన, ఎం. గాయత్రి, జి. లావణ్య లు బ్రాంజ్ మెడల్స్ సాధించారు. రాష్ట్ర స్థాయికి ఎంపిక: జిల్లా స్థాయిలో అత్యుత్తమ ప్రతిభ కనబరిచి ప్రథమ స్థానాల్లో నిలిచిన ఎం. అమృత, వైష్ణవి, బి. నవ్యశ్రీ, ఎం. మహేశ్వరి, బి. ప్రహర్ష, జి. అర్చన, ఎం. వెన్నెల లు త్వరలో జరగనున్న రాష్ట్ర స్థాయి (స్టేట్ లెవెల్) పోటీలకు ఎంపికైనట్లు నిర్వాహకులు తెలిపారు. అభినందనల వెల్లువ: క్రీడా రంగంలో కళాశాల విద్యార్థినులు సత్తా చాటడం పట్ల జిల్లా అథ్లెటిక్స్ అసోసియేషన్ అధ్యక్షులు జైపాల్ రెడ్డి, డాక్టర్ అనిల్ కుమార్ హర్షం వ్యక్తం చేశారు. ఈ సందర్భంగా విద్యార్థినులను కళాశాల ప్రిన్సిపల్ డాక్టర్ సి. శోభారాణి, వైస్ ప్రిన్సిపల్ ఎస్. కృష్ణవేణి, ఫిజికల్ డైరెక్టర్ రమాదేవి మరియు అధ్యాపక బృందం ఘనంగా అభినందించారు. రాష్ట్ర స్థాయి పోటీల్లోనూ ఇదే స్ఫూర్తితోణ రాణించి కళాశాలకు, జిల్లాకు మంచి పేరు తెవాలని ఆకాంక్షించారు.