ఉస్మానియా వేదికగా అక్టోబర్ 6న మాదిగ విద్యార్థుల ప్రతినిధుల సదస్సు - విజయవంతం చేయాలని పిలుపు
అక్టోబర్ 6న హైదరాబాద్‌లో మాదిగ విద్యార్థుల ప్రతినిధుల సభ: ఎమ్మార్పీఎస్ జిల్లా ఇంచార్జి మంథని సామ్యెల్ మాదిగ
ఎస్ ఆర్ ఎస్ న్యూస్ :బాన్సువాడ
సామాజిక ఉద్యమ నేత, పద్మశ్రీ మందకృష్ణ మాదిగ నాయకత్వంలో అక్టోబర్ 6న హైదరాబాద్‌లోని ఉస్మానియా విశ్వవిద్యాలయంలో మాదిగ విద్యార్థుల ప్రతినిధుల సదస్సు నిర్వహించనున్నట్లు ఎమ్మార్పీఎస్ జిల్లా ఇంచార్జి మంథని సామ్యెల్ మాదిగ తెలిపారు. ఈ సదస్సును విజయవంతం చేయడానికి అన్ని మండలాలు, కాలేజీల నుండి మాదిగ విద్యార్థులను పెద్ద ఎత్తున తరలించే బాధ్యత ఎమ్మార్పీఎస్ మరియు అనుబంధ విభాగాల నాయకులపై ఉందని ఆయన పిలుపునిచ్చారు. బుధవారం బాన్సువాడ గెస్ట్ హౌస్‌లో 'చలో హైదరాబాద్' సన్నాహక సమావేశం నిర్వహించారు. ఈ సమావేశానికి ముఖ్య అతిథిగా హాజరైన మంథని సామ్యెల్ మాదిగ మాట్లాడుతూ.. రాబోయే రోజుల్లో మాదిగ విద్యార్థుల పాత్ర ఎంతో క్రియాశీలకం కానుందని, అందుకు అనుగుణంగా మందకృష్ణ మాదిగ నాయకత్వంలో మాదిగ విద్యార్థి సమాఖ్య (ఎం.ఎస్.ఎఫ్) సంస్థాగత నిర్మాణాలను బలోపేతం చేయాల్సిన బాధ్యత అందరిపై ఉందన్నారు. ఈ సన్నాహక సమావేశంలో ఎమ్మార్పీఎస్ సీనియర్ నాయకులు కంతి పద్మారావు మాదిగ, పెద్దబూరి గంగారాం మాదిగ, మెక్కా సాయి మాదిగ, మావురం శ్రీకాంత్ మాదిగ, మహిళా విభాగం జిల్లా అధ్యక్షురాలు బానాపురం లావణ్య, బోయి చిన్న సాయిలు మాదిగ, ఎల్లుబాబు, ఎడ్ల శంకర్ మాదిగ, సాయిబాబు, రాచకొండ కుమార్, తిమోతి తదితరులతో పాటు విద్యార్థులు కృష్ణ, శ్రావణ్, దీపక్, భాను ప్రసాద్, ముకేష్, సాయిరాం, మనోహర్, రామకృష్ణ తదితరులు పాల్గొన్నారు.