కనీస వసతులు కరువాయె.. చీకట్లో మొక్కుబడిగా బతుకమ్మల నిమజ్జనోత్సవం!
Ad
ప్రకటనల కోసం
ఈరోజే సంప్రదించండి!
అధికారుల నిర్లక్ష్యం.. సెల్ ఫోన్ వెలుగులోనే బతుకమ్మల నిమజ్జనం!
-
కామారెడ్డి పెద్ద చెరువు వద్ద కనీస విద్యుత్ సౌకర్యం కూడా కల్పించని మున్సిపల్ యంత్రాంగం
-
తెలంగాణ పండుగ పేరుతో మొక్కుబడి ఏర్పాట్లు.. తీవ్ర ఆగ్రహం వ్యక్తం చేస్తున్న మహిళలు
ఎస్ ఆర్ ఎస్ న్యూస్:కామారెడ్డి
ఒకవైపు ప్రభుత్వం తెలంగాణ సంస్కృతి, సంప్రదాయాలకు పెద్దపీఠ వేస్తున్నామని ఘనంగా చెబుతున్నప్పటికీ, క్షేత్రస్థాయిలో అధికారుల పనితీరు మాత్రం అందుకు విరుద్ధంగా ఉంటోంది. కామారెడ్డి మండల కేంద్రంలోని పెద్ద చెరువు వద్ద సద్దుల బతుకమ్మ నిమజ్జన వేడుకల్లో మున్సిపల్ అధికారుల తీవ్ర నిర్లక్ష్యం బట్టబయలైంది. పవిత్రంగా జరుపుకునే బతుకమ్మ పండుగ ముగింపు సందర్భంగా చెరువు వద్ద కనీసం విద్యుత్ దీపాలు (లైట్లు) కూడా ఏర్పాటు చేయకపోవడం విమర్శలకు తావిస్తోంది. చీకటిమయమైన చెరువు ప్రాంతంలో బతుకమ్మలను నిమజ్జనం చేయడానికి వచ్చిన మహిళలు, యువతులు తీవ్ర ఇబ్బందులు పడ్డారు. చీకటి కారణంగా కాళ్లు జారి ప్రమాదాలు జరిగే పరిస్థితి ఉన్నప్పటికీ, అధికారులు పట్టించుకోకపోవడం పట్ల సర్వత్రా ఆగ్రహం వ్యక్తమవుతోంది. చివరకు చేసేది లేక మహిళలు తమ సెల్ ఫోన్ల వెలుగులోనే (టార్చ్ లైట్ల సహాయంతో) బతుకమ్మలను చెరువులో నిమజ్జనం చేయాల్సి వచ్చింది. పండుగ సంబరాల పేరుతో పబ్బం గడుపుతున్న అధికారులు, మహిళలకు కనీస వసతులు కల్పించడంలో పూర్తిగా విఫలమయ్యారని ప్రజలు, భక్తులు మండిపడుతున్నారు. ఇప్పటికైనా సంబంధిత అధికారులు స్పందించి, భవిష్యత్తులో ఇలాంటి వేడుకల సమయంలో అప్రమత్తంగా ఉండి అన్ని వసతులు కల్పించాలని డిమాండ్ చేస్తున్నారు.