అత్యవసర వేళ ప్రాణం పోసిన రక్తదాతలు.. కిమ్స్ ఆసుపత్రిలో గుండె రోగికి 'ఓ' పాజిటివ్ రక్తం అందజేత
కిమ్స్ ఆసుపత్రిలో గుండె ఆపరేషన్ రోగికి రక్తం అందజేత
- మానవతా దృక్పథంతో రక్తదానం చేసిన నలుగురు యువకులు
- అభినందించిన ఐవిఎఫ్ సేవాదళ్ రాష్ట్ర చైర్మన్ డాక్టర్ బాలు
ఎస్ ఆర్ ఎస్ న్యూస్ :హైదరాబాద్ / కామారెడ్డి
రక్తానికి ప్రత్యామ్నాయ మార్గాలు లేవని, అత్యవసర వేళల్లో రక్తదానమే ప్రాణాలు కాపాడుతుందని ఐవిఎఫ్ సేవాదళ్ రాష్ట్ర చైర్మన్ డాక్టర్ బాలు పేర్కొన్నారు. హైదరాబాద్‌లోని కిమ్స్ ఆసుపత్రిలో గుండె ఆపరేషన్ నిమిత్తమై చికిత్స పొందుతున్న గంగారం (75) అనే వృద్ధుడికి 'ఓ' పాజిటివ్ రక్తం అత్యవసరంగా అవసరమైంది. ఈ విషయాన్ని తెలుసుకున్న రోగి కుటుంబ సభ్యులు ఐవిఎఫ్ సేవాదళ్ రాష్ట్ర చైర్మన్ డాక్టర్ బాలును ఆశ్రయించారు. వెంటనే స్పందించిన డాక్టర్ బాలు... కామారెడ్డి జిల్లా కేంద్రానికి చెందిన దాతలను సమన్వయం చేశారు. దీంతో కామారెడ్డికి చెందిన ఎం.ఏ. వాజిద్ (ఏఆర్ కానిస్టేబుల్), చెన్నబోయిన ప్రసాద్, పబ్బ ఆర్యన్ మరియు సాఫ్ట్‌వేర్ ఇంజనీర్ పర్ష తృషాల్‌లు మానవతా దృక్పథంతో ముందుకు వచ్చారు. వారు ప్రత్యేకంగా హైదరాబాద్‌కు వెళ్లి స్వచ్ఛందంగా రక్తదానం చేసి బాధితుడి కుటుంబానికి భరోసానిచ్చారు. ఈ సందర్భంగా నిస్వార్ధంగా ప్రాణాలను కాపాడేందుకు ముందుకు వచ్చి రక్తదానం చేసిన దాతలందరికీ డాక్టర్ బాలు ప్రత్యేక అభినందనలు, కృతజ్ఞతలు తెలిపారు. సమాజంలో ఇలాంటి యువత ముందుకు రావడం అభినందనీయమని ఆయన కొనియాడారు.