కామారెడ్డి జిల్లాలో పీజీ ప్రవేశాలకు రెండవ దశ వెబ్ కౌన్సెలింగ్ షెడ్యూల్ విడుదల
కామారెడ్డి జిల్లాలో పీజీ ప్రవేశాలకు రెండవ దశ వెబ్ కౌన్సెలింగ్ షెడ్యూల్ విడుదల
ఎస్ ఆర్ ఎస్ న్యూస్:కామారెడ్డి
తెలంగాణ విశ్వవిద్యాలయ పరిధిలోని ఆర్.కె. డిగ్రీ & పీజీ కళాశాలల్లో (25వసంతాలలోకి అడుగుపెట్టిన సందర్భంగా) ఉన్నత విద్యనభ్యక్షించాలనుకునే విద్యార్థులకు కీలక అప్‌డేట్. రాష్ట్రవ్యాప్తంగా పీజీ ప్రవేశాల నిమిత్తం నిర్వహించే టీజీ సీపీజీసెట్-2026 (TG CPGET-2026) ప్రవేశాల ప్రక్రియలో భాగంగా రెండవ దశ వెబ్ కౌన్సెలింగ్ షెడ్యూల్‌ను ప్రవేశాల డైరెక్టరేట్ విడుదల చేసింది. టీజీ సీపీజీసెట్-2026 కన్వీనర్ ప్రొఫెసర్ ఐ.పాండురంగ రెడ్డి ఈ షెడ్యూల్‌ను ప్రకటించారు. మొదటి దశలో వివిధ కారణాల వల్ల దరఖాస్తు చేసుకోలేకపోయిన, లేదా సీట్లు పొందని అభ్యర్థులకు ఇది మంచి అవకాశం. ముఖ్యమైన తేదీల వివరాలు:
- ఆన్‌లైన్ రిజిస్ట్రేషన్ & సర్టిఫికెట్ల అప్‌లోడ్: మొదటి దశలో నమోదు చేసుకోని అభ్యర్థులు ఆన్‌లైన్ రిజిస్ట్రేషన్, ఫీజు చెల్లింపుతో పాటు సర్టిఫికెట్ల స్కాన్ చేసిన కాపీలను అప్‌లోడ్ చేయడానికి సెప్టెంబర్ 22 నుండి 26, 2026 వరకు అవకాశం కల్పించారు.
- ధృవీకరించబడిన జాబితా ప్రదర్శన: అర్హులైన అభ్యర్థుల వెరిఫైడ్ జాబితాను సెప్టెంబర్ 27న ప్రదర్శిస్తారు. ఏవైనా సవరణలు ఉంటే ఇ-మెయిల్ ద్వారా తెలపవచ్చు.
- వెబ్ ఆప్షన్ల నమోదు: అభ్యర్థులు తమకు నచ్చిన కాలేజీలు మరియు కోర్సులను ఎంచుకోవడానికి సెప్టెంబర్ 28 నుండి 30 వరకు వెబ్ ఆప్షన్లు నమోదు చేసుకోవచ్చు.
- వెబ్ ఆప్షన్ల సవరణ: నమోదు చేసుకున్న ఆప్షన్లలో మార్పులు చేసుకోవడానికి అక్టోబర్ 1న ప్రత్యేకంగా వెబ్ ఆప్షన్ల విండో అందుబాటులో ఉంటుంది.
- తాత్కాలిక సీట్ల కేటాయింపు: రెండవ దశ సీట్ల కేటాయింపు ఫలితాలు అక్టోబర్ 5, 2026న వెల్లడవుతాయి.
- కళాశాలల్లో రిపోర్టింగ్: సీటు పొందిన అభ్యర్థులు ట్యూషన్ ఫీజు చెల్లించి, రసీదుతో పాటు ఒరిజినల్ సర్టిఫికెట్లతో సంబంధిత కళాశాలలో అక్టోబర్ 9 లోపు హాజరుకావాల్సి ఉంటుంది.
📌 విద్యార్థులకు సూచన:
అభ్యర్థులు ఎప్పటికప్పుడు తాజా సమాచారం కోసం అధికారిక వెబ్‌సైట్ https://cpgetadmissions.co/ను సందర్శించాలని సూచించడమైనది.