నషా ముక్త్ భారత్ అభియాన్’ పోస్టర్ను ఆవిష్కరించిన జిల్లా కలెక్టర్ ఆశిష్ సంగ్వాన్
Ad
ప్రకటనల కోసం
ఈరోజే సంప్రదించండి!
‘నషా ముక్త్ భారత్ అభియాన్’ పోస్టర్ను ఆవిష్కరించిన జిల్లా కలెక్టర్ ఆశిష్ సంగ్వాన్ ..
*డ్రగ్స్ రహిత సమాజ నిర్మాణానికి ప్రతి ఒక్కరూ కృషి చేయాలి
-
యువత మత్తు పదార్థాలకు దూరంగా ఉండి ఉజ్వల భవిష్యత్తును నిర్మించుకోవాలి
-
విద్యాసంస్థల్లో విస్తృత అవగాహన కార్యక్రమాలు నిర్వహించాలి
-
‘నషా ముక్త్ భారత్ అభియాన్’ పోస్టర్ ఆవిష్కరణలో జిల్లా కలెక్టర్ ఆశిష్ సంగ్వాన్
ఎస్ ఆర్ ఎస్ న్యూస్: కామారెడ్డి
యువతను మాదకద్రవ్యాల మహమ్మారి నుంచి కాపాడి, డ్రగ్స్ రహిత సమాజాన్ని స్థాపించడమే లక్ష్యంగా ప్రతి ఒక్కరూ బాధ్యతాయుతంగా వ్యవహరించాలని కామారెడ్డి జిల్లా కలెక్టర్ ఆశిష్ సంగ్వాన్ పిలుపునిచ్చారు. గురువారం కలెక్టరేట్లోని తన ఛాంబర్లో ఇండియన్ రెడ్ క్రాస్ సొసైటీ (తెలంగాణ రాష్ట్ర శాఖ) ఆధ్వర్యంలో రూపొందించిన “నషా ముక్త్ భారత్ అభియాన్ - డ్రగ్స్కు నో చెప్పండి, జీవితానికి అవును చెప్పండి” అనే అవగాహన పోస్టర్ను కలెక్టర్ ఆవిష్కరించారు. సమిష్టి కృషితోనే మత్తు నిర్మూలన సాధ్యం ఈ సందర్భంగా కలెక్టర్ మాట్లాడుతూ.. మత్తు పదార్థాల వినియోగం యువత జీవితాలను, వారి ఉజ్వల భవిష్యత్తును చిన్నాభిన్నం చేస్తుందని ఆందోళన వ్యక్తం చేశారు. విద్యార్థులు, యువత చెడు వ్యసనాలకు దూరంగా ఉంటూ చదువు, క్రీడలు, సృజనాత్మక రంగాలపై దృష్టి సారించాలని సూచించారు. డ్రగ్స్ వల్ల కలిగే అనర్థాలపై విద్యార్థులకు అవగాహన కల్పించేందుకు అన్ని విద్యాసంస్థల్లో విస్తృతంగా సదస్సులు నిర్వహించాలని సంబంధిత అధికారులను ఆదేశించారు. మాదకద్రవ్యాల నిర్మూలన కేవలం ప్రభుత్వ బాధ్యత మాత్రమే కాదని, తల్లిదండ్రులు, ఉపాధ్యాయులు, స్వచ్ఛంద సంస్థలు మరియు ప్రజలు సమిష్టిగా కృషి చేసినప్పుడే ఆశించిన ఫలితం దక్కుతుందని స్పష్టం చేశారు. సమాజ శ్రేయస్సు కోసం ఇండియన్ రెడ్ క్రాస్ సొసైటీ చేపడుతున్న అవగాహన కార్యక్రమాలను కలెక్టర్ ఈ సందర్భంగా అభినందించారు. ఈ కార్యక్రమంలో జిల్లా విద్యాశాఖ అధికారి (డీఈఓ) మల్లికార్జున్, రెడ్ క్రాస్ సొసైటీ జిల్లా అధ్యక్షుడు సంజీవరెడ్డి, రాష్ట్ర ఎం.సి. సభ్యుడు జైపాల్ రెడ్డి తదితరులు పాల్గొన్నారు.