రాష్ట్రస్థాయి అండర్-14 వాలీబాల్ పోటీలకు తాడ్వాయి క్రీడాకారుల ఎంపిక
Ad
ప్రకటనల కోసం
ఈరోజే సంప్రదించండి!
రాష్ట్రస్థాయి అండర్-14 వాలీబాల్ పోటీలకు తాడ్వాయి క్రీడాకారుల ఎంపిక
-
ఉమ్మడి నిజామాబాద్ జిల్లా జట్టుకు ప్రాతినిధ్యం వహించనున్న ఇద్దరు విద్యార్థులు
-
నేటి నుంచి సిద్దిపేట జిల్లా వేదికగా జరగనున్న రాష్ట్రస్థాయి పోటీలు
ఎస్ ఆర్ ఎస్ న్యూస్:తాడ్వాయి
రాష్ట్రస్థాయి అండర్-14 వాలీబాల్ పోటీలకు తాడ్వాయి గ్రామానికి చెందిన ఇద్దరు యువ క్రీడాకారులు ఎంపికయ్యారు. గ్రామానికి చెందిన జిల్లాల సృజన్ రెడ్డి (తండ్రి: సిద్దిరాములు), వడ్ల మణికరణ్ (తండ్రి: భాస్కర్) రాష్ట్రస్థాయి పోటీలకు అర్హత సాధించి గ్రామానికి కీర్తి తెచ్చారు. ఇటీవల కామారెడ్డి జిల్లా కేంద్రంలోని ప్రభుత్వ ఆర్ట్స్ అండ్ సైన్స్ కళాశాల మైదానంలో నిర్వహించిన ఉమ్మడి నిజామాబాద్ జిల్లాస్థాయి వాలీబాల్ ఎంపిక పోటీల్లో వీరిద్దరూ అద్భుత ప్రతిభ కనబరిచారు. క్రీడల్లో వీరు చూపిన నైపుణ్యానికి సెలెక్టర్లు వీరిని రాష్ట్రస్థాయి జట్టుకు ఎంపిక చేశారు. ఈ నెల 13 నుంచి 16వ తేదీ వరకు సిద్దిపేట జిల్లా వేదికగా జరగనున్న రాష్ట్రస్థాయి అండర్-14 వాలీబాల్ టోర్నమెంట్లో వీరు ఉమ్మడి నిజామాబాద్ జిల్లా జట్టు తరఫున బరిలోకి దిగనున్నారు. సహకరించిన వారికి కృతజ్ఞతలు: తమ ప్రతిభను గుర్తించి రాష్ట్రస్థాయికి ఎంపికయ్యేలా ప్రోత్సహించిన తాడ్వాయి పాఠశాల ప్రధానోపాధ్యాయురాలు కళ్యాణి, పీడీ సంగారెడ్డి, మిద్దె స్వామి, కామారెడ్డి వాలీబాల్ అసోసియేషన్ వైస్ ప్రెసిడెంట్ పీడీ పంబల్ల బాలయ్య, అసోసియేషన్ సెక్రటరీ, ఎన్.వై.సి (NYC) ప్రెసిడెంట్ పంబల్ల సతీష్లతో పాటు సీనియర్ వాలీబాల్ క్రీడాకారులు, ఎల్లవేళలా అండగా నిలుస్తున్న గ్రామ పెద్దలకు క్రీడాకారులు ప్రత్యేక ధన్యవాదాలు తెలిపారు. క్రీడాకారులు రాష్ట్రస్థాయి పోటీల్లోనూ రాణించాలని గ్రామస్థులు, క్రీడాభిమానులు ఆకాంక్షించారు.