కనీస వేతనం రూ. 26,000 చెల్లించాలి: ప్రభుత్వ ఆసుపత్రి ఎదుట ఏఐటీయూసీ ధర్నా
Ad
ప్రకటనల కోసం
ఈరోజే సంప్రదించండి!
కనీస వేతనం రూ. 26,000 చెల్లించాలి: ప్రభుత్వ ఆసుపత్రి ఎదుట ఏఐటీయూసీ ధర్నా
ఎస్ ఆర్ ఎస్ న్యూస్:కామారెడ్డి
సుప్రీంకోర్టు తీర్పు ప్రకారం కాంట్రాక్ట్ కార్మికులకు కనీస వేతనం రూ. 26,000 చెల్లించాలని, 'సమాన పనికి సమాన వేతనం' అమలు చేయాలని డిమాండ్ చేస్తూ మెడికల్ ఎంప్లాయిస్ వర్కర్స్ యూనియన్ (ఏఐటీయూసీ అనుబంధ సంఘం) ఆధ్వర్యంలో శనివారం కామారెడ్డి జిల్లా ప్రభుత్వ ఆసుపత్రి ఎదుట గంటపాటు ధర్నా, నిరసన కార్యక్రమం నిర్వహించారు. ఈ సందర్భంగా యూనియన్ నాయకులు మాట్లాడుతూ... కామారెడ్డి జిల్లాలోని కామారెడ్డి, ఎల్లారెడ్డి, బాన్సువాడ డివిజన్ కేంద్రాల్లో ప్రభుత్వం జీవో నంబర్ 60ని పాటించడం లేదని విమర్శించారు. బియ్యం, ఉప్పు, పప్పు వంటి నిత్యావసర వస్తువుల ధరలు ఆకాశాన్ని తాకుతున్నా, గత మూడు నాలుగు సంవత్సరాలుగా కాంట్రాక్ట్ కార్మికులకు కనీస వేతనాలు పెంచకుండా కేంద్ర, రాష్ట్ర ప్రభుత్వాలు కార్మికుల పట్ల చిన్నచూపు చూస్తున్నాయని మండిపడ్డారు. ప్రధాన డిమాండ్లు:
- సుప్రీంకోర్టు మార్గదర్శకాల ప్రకారం కనీస వేతనం రూ. 26,000 అమలు చేయాలి.
- జీవో నంబర్ 60 ప్రకారం వేతనాలు చెల్లించాలి.
- జాతీయ, పండుగ సెలవులు మంజూరు చేయాలి.
- పీఎఫ్ (PF), ఈఎస్ఐ (ESI) సౌకర్యాలను పకడ్బందీగా అమలు చేయాలి.
- కాంట్రాక్ట్ కార్మికులకు ఉద్యోగ, పని భద్రత కల్పించాలి. పెరిగిన ధరలకు అనుగుణంగా తక్షణమే వేతనాలు పెంచి కార్మికులను ఆదుకోవాలని నాయకులు డిమాండ్ చేశారు. ఈ నిరసన కార్యక్రమంలో ఏఐటీయూసీ జిల్లా గౌరవ అధ్యక్షులు పి. బాలరాజ్, జిల్లా కార్యదర్శి ఎల్. దశరథ్, కామారెడ్డి జిల్లా ప్రభుత్వ ఆసుపత్రి వర్కర్స్ యూనియన్ జిల్లా అధ్యక్షులు కె. శ్రీనివాస్, జిల్లా కోశాధికారి ఎండీ రఫీక్ పాల్గొన్నారు. వీరితో పాటు నాయకులు, కార్మికులు పాజియా, దశరథ్, ప్రవీణ్, రమేష్, సునీత, భాస్కర్, అజయ్, లక్ష్మి, మమత, లావణ్య, ప్రవళిక, వాసవి, పద్మ, జమున, వెంకటలక్ష్మి, పూజ, శ్యామల, రాములు, రాజయ్య, రాజు, సత్యం, అర్జున్, హరీష్, వెంకటేష్, శ్రావణ్ తదితరులు పెద్ద సంఖ్యలో పాల్గొన్నారు.