కామారెడ్డి అభివృద్ధికి భారీ నిధులు: ప్రభుత్వ సలహాదారు షబ్బీర్ కృషే కారణం!

కామారెడ్డి అభివృద్ధికి భారీ నిధులు: ప్రభుత్వ సలహాదారు మహమ్మద్ అలీ షబ్బీర్ కృషే కారణం..

ఎస్ ఆర్ ఎస్ న్యూస్:కామారెడ్డి..

కామారెడ్డి నియోజకవర్గ సమగ్ర అభివృద్ధే లక్ష్యంగా రాష్ట్ర ప్రభుత్వ సలహాదారు మహమ్మద్ అలీ షబ్బీర్ అహర్నిశలు శ్రమిస్తున్నారు. వివిధ శాఖల మంత్రులతో సమన్వయం చేస్తూ ఆయన సాధిస్తున్న నిధులతో కామారెడ్డిలో అభివృద్ధి పరుగులు పెడుతోంది. తాజాగా పంచాయతీరాజ్ మరియు రహదారులు-భవనాల (R&B) శాఖల ద్వారా కోట్లాది రూపాయల నిధులను ఆయన నియోజకవర్గానికి మంజూరు చేయించారు. కీలక నిధుల మంజూరు వివరాలు:

• పంచాయతీరాజ్ శాఖ: గ్రామీణ ప్రాంతాల్లో మౌలిక వసతుల కల్పన, హమ్ (HUM) ఏజెన్సీ ద్వారా పనుల నిర్వహణ నిమిత్తం రూ. 75.19 కోట్లు మంజూరయ్యాయి.
• ఆర్&బీ శాఖ (రోడ్లు, భవనాలు): నియోజకవర్గంలో ప్రధాన రహదారుల నిర్మాణం, అభివృద్ధి పనుల వేగవంతం కోసం రూ. 30 కోట్లు కేటాయించబడ్డాయి. మంత్రి సీతక్కకు కాంగ్రెస్ నాయకుల ఘన సన్మానం... పంచాయతీరాజ్ శాఖ ద్వారా కామారెడ్డి నియోజకవర్గానికి పెద్దఎత్తున రూ. 75.19 కోట్ల నిధులు మంజూరు చేసినందుకు గాను.. ప్రభుత్వ సలహాదారు మహమ్మద్ అలీ షబ్బీర్ ఆధ్వర్యంలో కాంగ్రెస్ పార్టీ నాయకులు రాష్ట్ర పంచాయతీరాజ్ శాఖ మంత్రి ధనసరి సీతక్కను మర్యాదపూర్వకంగా కలిసి ఘనంగా సన్మానించారు. ఈ సందర్భంగా నియోజకవర్గ ప్రజల తరఫున ఆమెకు హృదయపూర్వక కృతజ్ఞతలు తెలిపారు. అలాగే, రోడ్ల అభివృద్ధి కోసం రూ. 30 కోట్లు మంజూరు చేసిన ఆర్&బీ శాఖ మంత్రి కోమటిరెడ్డి వెంకట్ రెడ్డికి షబ్బీర్ ఫోన్ ద్వారా ప్రత్యేకంగా ధన్యవాదాలు తెలిపారు. రానున్న రోజుల్లో మరిన్ని నిధులు: మహమ్మద్ అలీ షబ్బీర్... ఈ సందర్భంగా మహమ్మద్ అలీ షబ్బీర్ మీడియాతో మాట్లాడుతూ.. కామారెడ్డిని అన్ని రంగాల్లో ఆదర్శ నియోజకవర్గంగా తీర్చిదిద్దడమే తమ ప్రభుత్వ ధ్యేయమన్నారు. త్వరలోనే మరిన్ని భారీ నిధులు రానున్నాయని ఆయన వెల్లడించారు.
• FDA నిధులు: రూ. 25 కోట్లు + మరో రూ. 20 కోట్లు
• CRR నిధులు: అదనంగా రూ. 32 కోట్లు ముఖ్యమంత్రి రేవంత్ రెడ్డి నాయకత్వంలో గ్రామీణ మౌలిక సదుపాయాలు, తాగునీరు, రహదారుల అభివృద్ధికి అత్యధిక ప్రాధాన్యత ఇస్తున్నామని స్పష్టం చేశారు. షబ్బీర్ చొరవతో నియోజకవర్గానికి భారీగా నిధులు వస్తుండటంతో కామారెడ్డి ప్రాంత కాంగ్రెస్ నాయకులు, కార్యకర్తలు మరియు ప్రజలు ఆయనకు ప్రత్యేక అభినందనలు తెలుపుతున్నారు.