హక్కుల కోసం వెళుతుంటే అరెస్టులా? : ఎస్సీ, ఎస్టీ జర్నలిస్టుల అసోసియేషన్ ఆగ్రహం..

జర్నలిస్టుల ముందస్తు అరెస్ట్.. తీవ్రంగా ఖండించిన ఎస్సీ, ఎస్టీ అసోసియేషన్**

ఎస్ ఆర్ ఎస్ న్యూస్:కామారెడ్డి, జూన్ 29..

జర్నలిస్టుల న్యాయమైన డిమాండ్ల సాధన కోసం హైదరాబాద్‌లోని ఐ అండ్ పి ఆర్ (I&PR) కమిషనర్ కార్యాలయాన్ని ముట్టడించేందుకు వెళుతున్న కామారెడ్డి జిల్లా ఎస్సీ, ఎస్టీ జర్నలిస్టుల అసోసియేషన్ నాయకులను పోలీసులు ముందస్తుగా హౌస్ అరెస్ట్ చేశారు. ఈ సందర్భంగా వారిని అదుపులోకి తీసుకుని వివిధ పోలీస్ స్టేషన్లకు తరలించారు. ప్రజాస్వామ్య హక్కులను కాలరాస్తున్నారు: తెడ్డు సాయిలు.. ఈ సందర్భంగా ఎస్సీ, ఎస్టీ అసోసియేషన్ రాష్ట్ర ఉపాధ్యక్షులు తెడ్డు సాయిలు మాట్లాడుతూ, జర్నలిస్టుల సమస్యలపై శాంతియుతంగా నిరసన తెలిపేందుకు బయలుదేరిన తమను, ఇళ్లల్లోనే అడ్డుకోవడం అత్యంత హేయమైన చర్య అని మండిపడ్డారు. రాష్ట్ర ప్రభుత్వం జర్నలిస్టుల హక్కులను కాలరాస్తోందని ఆయన ఆరోపించారు. ప్రధాన డిమాండ్లు: అర్హులైన జర్నలిస్టులందరికీ వెంటనే అక్రిడేషన్ కార్డులు మంజూరు చేయాలి. జర్నలిస్టులకు హెల్త్ కార్డులు అందించాలి. "ప్రభుత్వం ఎన్ని అడ్డంకులు సృష్టించినా, ఎన్ని అరెస్టులు చేసినా జర్నలిస్టుల సమస్యలు పరిష్కారమయ్యే వరకు పోరాటం ఆగదు. ఎస్సీ, ఎస్టీ జర్నలిస్టులకు న్యాయం జరిగే వరకు వెనక్కి తగ్గేది లేదు" అని తెడ్డు సాయిలు స్పష్టం చేశారు. ఈ కార్యక్రమంలో నాయకులు రాజు, ఆశన్న, బాలాజీ, సంజీవులు తదితరులు పాల్గొన్నారు.