కామారెడ్డిలో కనులపండువగా స్థిర ప్రతిష్ఠ మహోత్సవ మొదటి రోజు వేడుకలు
Ad
ప్రకటనల కోసం
ఈరోజే సంప్రదించండి!
వైభవంగా సాగిన స్థిర ప్రతిష్ఠ మహోత్సవ మొదటి రోజు కార్యక్రమాలు
ఎస్ ఆర్ ఎస్ న్యూస్: కామారెడ్డి
కామారెడ్డి:స్థానిక వైద్యనాథ ముక్తి క్షేత్రం, శనేశ్వర సిద్ధ క్షేత్రంలో స్థిర ప్రతిష్ఠ మహోత్సవ కార్యక్రమాలు మొదటి రోజు అత్యంత వైభవంగా ప్రారంభమయ్యాయి. వేలాది మంది భక్తుల సమక్షంలో, అంగరంగ వైభవంగా జరిగిన ఈ వేడుకల్లో భాగంగా పుణ్యాహవాచనం, అగ్ని ప్రతిష్ఠ, హనుమాన్ చాలీసా పారాయణం, లక్ష బిల్వార్చన, మరియు విగ్రహాల జలాధివాసం వంటి విశేష పూజా కార్యక్రమాలను శాస్త్రోక్తంగా నిర్వహించారు. గురువర్యులు గంగవరం ఆంజనేయ శర్మ గారి పర్యవేక్షణలో, ఆలయ ప్రధాన అర్చకులు అరవింద్ శర్మ మరియు 25 మంది వేద బ్రాహ్మణుల బృందం ఈ క్రతువులను ఘనంగా జరిపించారు. ఈ కార్యక్రమంలో ఆలయ కమిటీ అధ్యక్షులు నిమ్మల రవీందర్ రెడ్డి, ప్రధాన కార్యదర్శి నవబోతు శ్రీనివాస్, కోశాధికారి యాదా అనిల్ కుమార్, ఉపాధ్యక్షులు పాత లక్ష్మీరాజు, అయిత బాలకిషన్, పాత ధర్మరాజు, ఆర్గనైజింగ్ సెక్రటరీ సిరిగాద దేవచారి పాల్గొన్నారు. వీరితో పాటు కమిటీ సభ్యులు కృష్ణ గౌడ్, పాత బాలయ్య, ఆశిరెడ్డి కృష్ణారెడ్డి, శ్రీనివాస్, లింగా గౌడ్ తదితరులు కార్యక్రమ ఏర్పాట్లను పర్యవేక్షించారు. ఈ ఆధ్యాత్మిక వేడుకల్లో వేలాది మంది భక్తులు భక్తిశ్రద్ధలతో పాల్గొని ప్రత్యేక పూజలు నిర్వహించారు. అనంతరం భక్తులందరూ అన్నప్రసాదాన్ని స్వీకరించారు.