జాతీయ మహిళా దినోత్సవం సందర్భంగా నవజాత శిశువులకు కిట్ల పంపిణీ...

కామారెడ్డి: జాతీయ మహిళా దినోత్సవం సందర్భంగా నవజాత శిశువులకు కిట్ల పంపిణీ... ముఖ్య అతిథులుగా జిల్లా జడ్జి నాగరాణి, ఆర్డీఓ వీణ, ఎంఆర్ఓ హిమాబిందు... ఐవీఎఫ్ (IVF) సేవా దృక్పథం అభినందనీయం: జిల్లా న్యాయ సేవాధికార సంస్థ జడ్జి... ఎస్ ఆర్ ఎస్ న్యూస్ కామారెడ్డి, మార్చి 13,.. జాతీయ మహిళా దినోత్సవాన్ని పురస్కరించుకుని ఇంటర్నేషనల్ వైశ్య ఫెడరేషన్ (IVF) కామారెడ్డి జిల్లా విభాగం ఆధ్వర్యంలో శుక్రవారం స్థానిక ప్రభుత్వ ఏరియా జనరల్ ఆసుపత్రిలో నవజాత శిశువులకు ప్రత్యేక కిట్లను పంపిణీ చేశారు.ఈ కార్యక్రమానికి జిల్లా న్యాయ సేవాధికార సంస్థ జడ్జి నాగరాణి, ఆర్డీఓ వీణ, ఎంఆర్ఓ హిమాబిందు, ఆసుపత్రి సూపరింటెండెంట్ డాక్టర్ వెంకటేశ్వర్లు ముఖ్య అతిథులుగా హాజరై, తమ చేతుల మీదుగా బాలింతలకు ఈ కిట్లను అందజేశారు. ఐవీఎఫ్ సేవలు స్ఫూర్తిదాయకం: ఈ సందర్భంగా జిల్లా జడ్జి నాగరాణి మాట్లాడుతూ.. సామాజిక బాధ్యతతో నవజాత శిశువుల కోసం కిట్లను అందజేయడం ఐవీఎఫ్ ప్రతినిధుల గొప్ప సంకల్పమని కొనియాడారు. ఇలాంటి సేవా కార్యక్రమాలు సమాజానికి ఎంతో అవసరమని, స్వచ్ఛంద సంస్థలు మరిన్ని మంచి పనులతో ముందుకు రావాలని ఆమె పిలుపునిచ్చారు. రూ.1,600 విలువైన 40 కిట్ల పంపిణీ: ఐవీఎఫ్ జిల్లా అధ్యక్షులు ఎర్రం చంద్రశేఖర్ గుప్తా మాట్లాడుతూ.. ఐవీఎఫ్ తెలంగాణ రాష్ట్ర అధ్యక్షులు ఉప్పల శ్రీనివాస్ గుప్తా ఆదేశాల మేరకు జిల్లాలో ఈ కార్యక్రమాన్ని చేపట్టినట్లు తెలిపారు. ఒక్కొక్కటి సుమారు రూ. 1,600 విలువ గల 40 కిట్లను ప్రభుత్వ ఆసుపత్రిలోని నవజాత శిశువుల తల్లులకు అందజేయడం జరిగిందని వివరించారు. ఈ సేవా కార్యక్రమానికి సహకరించిన జిల్లా అధికారులకు, ఆసుపత్రి సిబ్బందికి ఆయన ప్రత్యేక కృతజ్ఞతలు తెలియజేశారు.ఈ కార్యక్రమంలో ఐవీఎఫ్ జిల్లా ప్రధాన కార్యదర్శి దొంతి సుధాకర్ గుప్తా, కోశాధికారి కస్వ వెంకటేష్ గుప్తా, మహిళా విభాగం అధ్యక్షురాలు నీల రజిని, కార్యదర్శి చిలువేరి శ్రీదేవి, కోశాధికారి గజవాడ అన్నపూర్ణ పాల్గొన్నారు.అలాగే యువజన నాయకులు ఈశ్వర్ గుప్తా, చరణ్, ప్రవీణ్, నిఖిల్ మరియు ఐవీఎఫ్ కార్యవర్గ సభ్యులు ఈ వేడుకలో భాగస్వాములయ్యారు.