కామారెడ్డి, ఎల్లారెడ్డి మున్సిపల్ కమిషనర్లుగా బాధ్యతల స్వీకరణ....

కామారెడ్డి, ఎల్లారెడ్డి మున్సిపల్ కమిషనర్లుగా బాధ్యతల స్వీకరణ...

ఎస్ ఆర్ ఎస్ న్యూస్: కామారెడ్డి జిల్లా బ్యూరో...

కామారెడ్డి జిల్లాలోని కామారెడ్డి మరియు ఎల్లారెడ్డి మున్సిపాలిటీలకు నూతన కమిషనర్లు నియమితులయ్యారు. బదిలీపై వచ్చిన అధికారులు సోమవారం తమ బాధ్యతలను అధికారికంగా స్వీకరించారు. కామారెడ్డి మున్సిపల్ కమిషనర్‌గా టి. పర్వతాలు...శంషాబాద్ ఏఎంసీ (AMC)గా విధులు నిర్వహించి, బదిలీపై వచ్చిన టి.పర్వతాలు సోమవారం కామారెడ్డి మున్సిపల్ కమిషనర్‌గా బాధ్యతలు చేపట్టారు బాధ్యతలు స్వీకరించిన అనంతరం ఆయన జిల్లా కలెక్టర్‌ను మర్యాదపూర్వకంగా కలిసి, పూల మొక్కను అందజేసి శుభాకాంక్షలు తెలిపారు. పట్టణ అభివృద్ధికి, ప్రజల సమస్యల పరిష్కారానికి కృషి చేస్తానని ఈ సందర్భంగా ఆయన పేర్కొన్నారు.

ఎల్లారెడ్డి మున్సిపల్ కమిషనర్‌గా జగ్జీవన్..

నారాయణఖేడ్ మున్సిపల్ కమిషనర్‌గా పనిచేసి బదిలీపై వచ్చిన జగ్జీవన్ ఎల్లారెడ్డి మున్సిపాలిటీ కమిషనర్‌గా సోమవారం బాధ్యతలు స్వీకరించారు. అనంతరం ఆయన కూడా జిల్లా కలెక్టర్‌ను మర్యాదపూర్వకంగా కలిసి మొక్కను అందజేశారు. ఎల్లారెడ్డి మున్సిపాలిటీ పరిధిలో పారిశుధ్యం, మౌలిక సదుపాయాల కల్పనకు ప్రాధాన్యత ఇస్తానని ఆయన తెలిపారు. ఇద్దరు అధికారులు ఒకే రోజు బాధ్యతలు చేపట్టడం విశేషం... జిల్లా కలెక్టర్ వారిని అభినందిస్తూ,విధుల్లో చురుగ్గా పాల్గొనాలని సూచించారు. మున్సిపల్ సిబ్బంది నూతన కమిషనర్లకు ఘనస్వాగతం పలికారు.